கர்த்தர் அவர்களை மகிழ்ச்சியாக்கி... எஸ்ரா 6:22
இந்த உலகம் தரக்கூடாத சந்தோஷத்தையும் மகிழ்ச்சியையும் சமாதானத்தையும் ஆண்டவர் ஒருவராலே மாத்திரம் தான் தரமுடியும். கர்த்தருடைய ஆலயம் நேபுகாத் நேச்சாரால் இடிக்கப்பட்டு தீக்கொளுத்தப்பட்டு கிடந்தபடியினால் இஸ்ரவேல் ஜனங்களுக்கு மிகுந்த மனவேதனை உண்டானது . பின்னர் ஆலயம் கட்டத் தொடங்கினார்கள். பல்வேறு நெருக்கங்கள் சோதனைகள் மத்தியிலும் தேவன் அவர்களுக்கு ராஜாக்களின் கண்களில் தயவு கிடைக்கப் பண்ணி எருசலேம் தேவாலயத்தை கட்டி முடிக்கப் பண்ணினார்.
மேலும் புளிப்பில்லா அப்பப்பண்டிகையை மகிழ்ச்சியோடு ஆசரிக்க ஆண்டவர் கிருபை பாராட்டினார் . அதோடு கூட பாபிலோன் அடிமைத்தனத்தில் இருக்கும் போது கர்த்தரின் பாட்டை அந்நிய தேசத்தில் பாடுவது எப்படி என்று கேட்டவர்களை அவர்களது சொந்த தேசத்தில் பாடகர் வரிசையோடு கூட பாட வைத்தார்.
இது எப்படி சாத்தியமானது என்று பார்ப்போமென்றால் , அடிமைத் தனத்தில் இருக்கும் போது இஸ்ரவேல் ஜனங்கள் தங்கள் பாவங்களை தேவனிடத்தில் அறிக்கை இட்டார்கள் , உபவாசத்தோடு தேவனிடம் மன்றாடினார்கள். தேவன் அவர்கள் பாவங்களை மன்னித்து அவர்களுக்கு இரக்கம் பாராட்டி அவர்களை மகிழப்பண்ணினார் . நாமும் நம்முடைய பாவங்களை ஆண்டவரிடம் அறிக்கை செய்து மன்றாடுவோமென்றால் ஆண்டவரும் நம் மேல் மனதுருகி நம் பாவங்களை மன்னித்து நம்முடைய இக்கட்டுகள் வியாதிகள் வேதனைகள் எல்லாவற்றிலும் இருந்தும் நம்மை விடுதலையாகி நம்மை மகிழப்பண்ணுவார்.
சிந்தனை : நம்முடைய மகிழ்ச்சிக்கு தடையாய் இருக்கும் பாவங்களை அறிக்கை செய்து விட்டு விட ஆயத்தமா?
ஜெபம் : அன்புள்ள ஆண்டவரே எங்கள் மகிழ்ச்சிக்குத் தடையாய் இருக்கின்ற எங்கள் பாவங்கள் அக்கிரமங்கள் மீறுதல்கள் எல்லாவற்றையும் தேவரீர் தயவாய் மன்னித்து எங்களை மகிழப்பண்ணுமாறு தாழ்மையுடன் இயேசுவின் நாமத்தில் வேண்டுகிறோம் பிதாவே . ஆமேன்
0 comments:
கருத்துரையிடுக